माघ ४ गते,जनकपुरधाम ।
मधेश प्रदेशको सभामुख नेकपा एमालेका रामचन्द्र मण्डल बनेका छन् । मंगलबार प्रदेशसभामा भएको सभामुखको निर्वाचनमा मण्डल निर्वाचित भएका हुन् ।
मत विभाजन एवं हस्ताक्षर मार्फत भएको निर्वाचनमा मण्डलको पक्षमा ७४ मत परेको छ भने विपक्षमा २९ मत परेको छ । सदनमा एकसय ३ सांसद उपस्थित थिए । त्यस्तै उपसभामुख जनमत पार्टीकी बबिताकुमारी राउत ईशर बनेकी छन् ।
उनको पक्षमा ७२ मत परेको छ भने विपक्षमा २९ मत खसेको छ। उपसभामुखको निर्वाचनमा १०१ जना सांसद उपस्थित भएका थिए । ईशर समानुपातिक प्रणाली मार्फत सांसद बनेकी हुन् ।
मण्डल र राउत निर्वाचित भएको सभाका अध्यक्षता गरेका जेष्ठ सदस्य गोबिन्दबहादुर न्यौपानेले घोषणा गरेका हुुन् ।