पुस १४ गते,महोत्तरी ।
महोत्तरीको कल्भर्टमा एक युवकको शव फेला परेको छ ।
बिहिबार बिहान पिपरा गाउँपालिका ५ चाँदनी चोक स्थित जनकपुरधाम जलेश्वर सडक खण्डको उत्तर साईडको कल्भर्टमा जमेको पानिमा शव फेला परेको जिल्ला प्रहरी कार्यालय महोत्तरीले जनाएको छ ।
करिब ३० बर्षको तराई मुलुकको जस्तो देखिने पुरूषको शव फेला परेको तथा शवलाई पोस्टमार्टमका लागि जिल्ला अस्पताल जलेश्वरमा पठाइएको सूचना अधिकारी प्रहरी निरीक्षक सरोज राईले जानकारी दिए ।
यस सम्बन्धमा थप अनुसन्धान भइरहेको जिल्ला प्रहरी कार्यालय महोत्तरीले जनाएको छ ।