मंसिर १७ गते,जनकपुरधाम।
मिडिया काउन्सिल मधेश प्रदेशका अध्यक्ष शिवहरि भट्टराईको निधन भएको छ।
नेपाल पत्रकार महासंघ सर्लाही शाखाको साधारणसभामा भाग लिन सर्लाही पुगेको उनी आज मृत अवस्थामा होटेलको कोठामा फेला परेका छन् ।
लालबन्दी १३ पत्थरकोटास्थित होलिडे रिसोर्टमा बसेका भट्टराई शनिबार मृत फेला परेको प्रहरीले जनाएका छन् ।
भट्टराई नेपाल पत्रकार महासंघ सप्तरी शाखा संस्थापक सभापति र नेपाल पत्रकार महासंघका पूर्व केन्द्रीय उपसभापति समेत थिए। भट्टराईको शव अहिले पोस्टमार्टमका लागि जिल्ला अस्पताल मलगंवा लगिएको छ ।
घटनाको बारेमा अनुसन्धान भइरहेको जिल्ला प्रहरी कार्यालय सर्लाहीले जनाएको छ ।