मंसिर ९ गते,महोत्तरी।
महोत्तरी क्षेत्र नम्बर १ (२) बाट प्रदेशसभाका उम्मेदवार रहेका मधेस प्रदेशका गृह तथा सञ्चारमन्त्री भरतप्रसाद साह निर्वाचित भएका छन् ।
नेकपा माओवादी केन्द्रका मधेस प्रदेशका प्रभावशाली नेता रहेका साहले जनता समाजवादी पार्टीका उम्मेदवार रामश्रेष्ठ महतोलाई २५०० मतान्तरले पराजित गर्दै दोस्रो पटक प्रदेशसभा सदस्य पदमा विजयी भएका हुन् ।
अन्तिम मतपरिणाम अनुसार माओवादीका साहले ८ हजार ३७१ मत प्राप्त गरेका छन् । उनका निकटतम प्रतिद्वन्द्वी जसपाका रामश्रेष्ठ महतोले ५ हजार ८७१ मत ल्याए ।